Од 1 декември 2026 година, граѓаните во Македонија ќе се соочат со построги услови за задолжување во банките. Народната банка воведува нови ограничувања за максималниот износ на месечните кредитни обврски во однос на приходите, како и пократки рокови за отплата на одредени видови кредити.
Новите правила се дел од мерките за спречување на прекумерното задолжување на домаќинствата и зачувување на стабилноста на финансискиот систем.
Сепак, предвиден е важен исклучок за граѓаните кои за првпат купуваат сопствен дом, за кои се задржуваат поповолните услови.
Помали лимити за месечните кредитни рати
Според одлуката на Народната банка, максималниот дозволен однос меѓу вкупните месечни кредитни обврски и приходите на кредитокорисникот се намалува за пет процентни поени.
Кај денарските кредити, ограничувањето се намалува од досегашните 50 на 45 проценти.