Сите четири бразилски екипи кои се дел од Светското клупско првенство на ФИФА обезбедија пласман во нокаут фазата на Светското клупско првенство. Палмеирас, Ботафого, Фламенго и Флуминенсе продолжуваат во 1/8-финалето на турнирот, покажувајќи дека во моментов можат сериозно да им парираат и на европските фудбалски гиганти.
Во исто време, двата аргентински клуба, Ривер Плата и Бока Јуниорс, беа елиминирани во групната фаза. И двата тима завршија како трети во своите групи.
Барем еден од бразилските тимови ќе стигне и до четвртфиналето на турнирот, бидејќи Палмеирас и Ботафого ќе играат меѓусебно во осминафиналниот дуел.