Русија лансираше интерконтинентална балистичка ракета во напад врз Украина утрово, потврдија украинските воздухопловни сили, што претставува прва позната употреба на толку моќно оружје во војна.
Украинските воздухопловни сили соопштија дека проектилот бил лансиран од рускиот регион Астрахан, на повеќе од 700 километри од Днепро во централно-источна Украина.
„Украинска правда“, медиум со седиште во Киев, цитира анонимни извори кои велат дека проектилот бил РС-26 Рубеж, интерконтинентална балистичка ракета со цврсто гориво со дострел од 5.800 километри според Здружението за контрола на оружјето, пишува Ројтерс.
Цел на рускиот ракетен напад биле претпријатија и инфраструктура во централно-источниот град Днипро.
Регионалниот гувернер Серхи Лисак кажа дека во ракетниот напад оштетено е едно индустриско претпријатие, а предизвикани се и пожари во Днипро и повредени се две лица.
Русија исто така истрела хиперсонична ракета Кинжал и седум крстаречки ракети Кх-101, од кои шест беа соборени, соопшти украинското воздухопловство.