Британија во моментов не обезбедува воена поддршка за Израел во одбраната од иранскиот одмазднички напад поради ноќните израелски напади. Весникот „Тајмс“ цитираше извори од одбраната кои изјавиле дека Британија не обезбедувала поддршка за Израел, пренесува Ројтерс.
Скај Нуз одделно објави дека британските воени авиони моментално не учествуваат во одбраната на израелското небо, но дека тоа би можело да се промени во зависност од развојот на ситуацијата.
Во октомври 2024 година, кога Иран испукал балистички ракети кон Израел, Британија изјави дека две нејзини борбени летала и еден танкер за воздушно полнење со гориво учествувале во обидите за спречување понатамошна ескалација, но дека авионите не отвориле оган врз цели.
Британскиот премиер Кеир Стармер ги повика двете страни на воздржаност и враќање кон дипломатија, а Британија не учествуваше во израелските напади врз Иран извршени преку ноќ.
Британското Министерство за надворешни работи и Министерството за одбрана не одговорија веднаш на барањето за коментар во врска со можната британска вмешаност во заштитата на Израел