Фудбалерите на ПСЖ го освоија Суперкупот на УЕФА победувајќи го Тотенхем по изведување пенали со резултат 4:3. По регуларните 90 минути резултатот беше 2:2.
Иако Витињо од ПСЖ прв промаши во изведувањето пенали, сите четворица преостанати изведувачи од редовите на Парижаните беа прецизни, додека Лукас Шевалие го одбрани ударот на Мики ван де Вен, а Матис Тел го промаши целиот гол.
Тотенхем реагираше остро откако Тел стана цел на расистички навреди на социјалните мрежи по поразот. Клубот изјави дека сторителите се „кукавици кои се кријат зад анонимни кориснички имиња“.
„Згрозени сме од расистичките навреди што ги доби Матис Тел на социјалните мрежи по синоќешниот пораз во Суперкупот на УЕФА. Матис покажа храброст и решителност кога го изведе пеналот, а оние што го навредуваат се само кукавици – се кријат зад анонимни кориснички имиња и профили за да ги шират своите одвратни ставови.