Во просториите на Министерството за дигитална трансформација, министерот Стефан Андоновски го прими младиот Владимир Грчев кој освои Прво место на Европската олимпијада по информатика во Бугарија.
Ова не е негов прв успех на државно и меѓународно поле. Тој има освоено многу награди со кои гордо ја претставил Македонија.
„Сигурен сум дека Владимир допрва ќе ја радува Македонија со европски и светски успеси на секое натпреварување на кое ќе настапи“, истакна Андоновски.
Тој додава дека како ресорно министерство, и како Влада, посветено ги помагаат и поддржуваат младите кои победуваат за Македонија гордо низ светот.