Љатифи: Продолжуваме со стратешките проекти за посигурен и постабилен електропреносен систем

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на компанијата „Коленко“ (COLENCO), за обезбедување консултантски услуги во рамките на проектот за зајакнување на електропреносната мрежа во југоисточниот регион на државата.

Договорот предвидува стручна поддршка на Проектната единица за имплементација (PIU Consultant), која ќе биде вклучена во подготовката и спроведувањето на проектните активности.

Стратешки проект за модернизација на електропреносната инфраструктура

Проектот има значајна улога во развојот на македонскиот електроенергетски систем, со цел зголемување на преносните капацитети и подобрување на сигурноста и стабилноста на електропреносната мрежа.

Со неговата реализација се очекува да се создадат услови за поефикасен пренос на електрична енергија и понатамошен развој на енергетската инфраструктура во југоисточниот дел на земјата.

Подобри услови за производство на електрична енергија од обновливи извори